Ja, vist er det lidt sorte detaljer i soveværelset som det er nu, med masser af patina. En blanding af sort, brunt og sand går rigtig godt sammen med alt det hvide.
Nokkrar nærmyndir af svörtu gimsteinunum mínum sem fá að prýða svefnherbergið þessa dagana. Svart, brúnt og sandgult fer vel við allt hið hvíta. Og það mikilvægasta er "patinan" eins og það heitir á góðri útlensku. Held að við Íslendingar eigum ekkert gott orð yfir það. EN eigum við ekki að segja að patínan geymi sál hlutarins. Þessir hlutir hafa mikla sál.
Talandi um stíliseringu
meira að segja gamlir málningardropar á hillunni
eru í tón við puntið sem hana prýðir ;o)
Gamalt samkvæmisveski og noa noa klútur.
Jesús á krossinum í dásamlega fallegum ramma.
Auðvitað yfir miðju rúminu.
Ég er ekki frá því að ég hafi sofið betur eftir að þessi mynd fór upp.
Og stóllinn minn, þessi elska...
Held ég hafi ALDREI séð eins fallega patineraðan hlut.
Maðurinn segir að hann sé með húðsjúkdóm,
er ekki frá því að hann hafi rétt fyrir sér.
Lugtin er eldgömul vegglugt með brotið gler, sem einungis eykur á sjarma hennar.
Síðast en ekki síst, hinn yndisfallegi og velformaði lampi...
sem líka er svo fallega patineraður
Það er ástæða fyrir því að gamalt er betra...
nýjir hlutir hafa ekki þessa einstöku sál.
Kannski fleiri Íslendingar vakni upp og sjái fegurðina sem svo augljós er okkur sem kunnum að meta gamalt. Maður getur amk alltaf vonað.
Hafið það gott þarna úti
Ingen kommentarer:
Legg inn en kommentar