Besta vinkona mín!

Fyrir jólin í 10 stiga frosti í jólagjafahugleiðingum fórum við skvísan mín inn í verslun eina sem selur hin ýmsustu tæki, tól og búsáhöld til að fá nýtt hylki í sódastreemið. Það tók smá tíma þannig að frúin varð óþolinmóð og fór að kíkja í kringum sig.... Og hvað sá hún?
Kitchen Aid vél með hakkavél og safapressu á hálfvirði! Samtímis togaði þyngdarkraftur jarðar mun minna í mig og hugmynd fæddist. Þetta yrði jólagjöfin okkar í ár. Ekkert vesen, afgreitt mál.
Og þannig varð það. Þessi elska kom með mér heim og hefur verið mín besta vinkona síðan. Jólabaksturinn varð hreint út sagt unaðsleg upplifun, ekkert að ýkja ;0) Eðlilega þegar svona tæki hefur verið á óskalistanum í 15 ár, hvorki meira né minna. Reyndar kostaði hún mig næstum alla fingurna. Það var svo hræðilega kalt og ég var í 66 flísvettlingunum mínum og það er ómögulegt að halda á nokkrum sköpuðum hlut í þeim. Hvað þá stórum þungum sleipum kassa. Þannig að nú reyndi á víkinginn í mér, vettlingalaus í 10 stiga frosti (ég er ALLTAF með vettlinga) og sársaukinn. Best að reyna að gleyma honum. Ég komst heim með gripinn og nú átti Ég svona dásamlegt apparat. Ekkert VIÐ neitt. Þitt er mitt og mitt er mitt, er það ekki alltaf þannig þegar að heimilistækjunum kemur? Maðurinn hefur amk aldrei notað hana, en hinsvega notið góðs af kellu.

Sé ég rétt, veit ég að ein eða tvær þarna úti hugsa! Er þetta rautt í eldhúsinu hjá Dagnýju?
Já, rautt dásamlegt flöskustatív. Hef horft á eitt slíkt í allan vetur, verðið var bara ekki alveg fyrir budduna mína, eða samvisku ef út í það er farið. EN í Søstrene Grene hér um daginn fann ég eitt fyrir 1/5 af verðinu. Mátulega stórt, fallegt í laginu, fallega sjúskað og það er sink undir, þannig að þegar ... ekki EF takið eftir.... ég fæ leið á litnum vær málningin að fjúka, en þangað til get ég dáðst að þessu fallega nytsama statívi við hlið vinkonu minnar.

Fer reyndar enn upp í skáp að sækja kaffibolla, en þetta er að koma ;0)

Min beste veninde hedder Kitchen Aid. Jeg havde ønsket mig sådan en i 15 år, før den blev min lige inden jul. Den kostede mig næsten alle mine fingre, for den skulle bæres hjem i -10 grader, uden vanter, man kan jo ikke bære noget som helst i flisvanter! Men det var det værd. Jeg elsker den næsten over alt på jorden.
Flaskestativet i rødt godt og vel, fandt jeg til få penger i Søstrene Grene, ikke lige min farve, men den kan fjernes når, ikke om, jeg bliver træt af den. Men jeg kan rigtig godt lide stativet som det er nu. Patineringen er vellykket og indenunder er der zink belagt. Jeg har chekket!
Det går dog lidt langsomt med at vænne sig af at hente kaffekoppene i skabet, men mon det ikke kommer med tiden ;0)